Psychologist, Psychiatrist and Social Worker

💠 ကျွန်တော်တို့ လူသားတွေဟာ ရုပ်၊ နာမ်၊ ခန္ဓာ တစ်ခုတည်းနဲ့သာ အသက်ရှင်သန်နေတာမျိုး မဟုတ်ဘဲ စိတ်၊ ဝိညာဉ် တို့ဖြင့်လည်း အသက်ရှင်သန်နေကြပါတယ်။

💠 ဒါ့အပြင် လူဆိုတာ တစ်ကိုယ်တည်းနေတတ်တာမျိုးမဟုတ်ဘဲ တခြား လူတွေနဲ့အတူ မိတ်ဖွဲ့ကာ အစုအဖွဲ့နဲ့ နေတတ်ပြီး လူမှုဆက်ဆံရေးများကိုလည်း နေ့စဉ်နဲ့အမျှ ပြုလုပ်လျက်ရှိပါတယ်။

💠 ကျွန်တော်တို့ လူသားတွေဟာ နေ့စဉ်နဲ့အမျှ အသက်ရှင်သန်နိုင်ဖို့အတွက် ကျွန်တော်တို့ရဲ့ ရုပ်ပိုင်းဆိုင်ရာ၊ စိတ်ပိုင်းဆိုင်ရာနဲ့ လူမှုရေးဆိုင်ရာ လိုအပ်ချက်များကို ဖြည့်ဆည်းနိုင်ဖို့ရန် အမြဲ ကြိုးစား ရုန်းကန် လှုပ်ရှားနေပါတယ်။

💠 ဒါပေမဲ့ မမျှော်လင့်ထားတဲ့ အခြေအနေ‌‌၊ ထိန်းချုပ်လို့မရတဲ့ အကြောင်းအမျိုးမျိုးကြောင့် ကျွန်တော်တို့တွေဟာ ရုပ်ပိုင်းဆိုင်ရာမှာပဲဖြစ်ဖြစ်၊ စိတ်ပိုင်းဆိုင်ရာမှာပဲဖြစ်ဖြစ်၊ လူမှုဆက်ဆံရေးပိုင်းဆိုင်ရာမှာ ထိခိုက် နာကျင်ရတတ်ပြီး မထင်မှတ်ဘဲနဲ့ နာမကျန်းမှုတွေ၊ အားနည်းမှုတွေ၊ ဖျားနာမှုတွေ၊ ဖိစီးမှု ဝေဒနာတွေကို ကြုံတွေ့ ခံစားရတတ်ပါတယ်။ 

💠 ရုပ်ပိုင်းဆိုင်ရာအရ နာမကျန်းမှု၊ အားနည်းခြင်းနဲ့ နေမကောင်းတာတွေဖြစ်လာပြီဆိုရင် လူအများစုဟာ ဆရာ၀န်၊ သူနာပြု၊ ကျန်းမာရေး၀န်ထမ်းတွေဆီ သွားရောက်ပြီး ကုသလေ့ရှိပါတယ်။ လိုအပ်တဲ့ ဆေး၀ါးတွေ ကို သောက်သုံး မှီဝဲပြီး အာဟာရရှိမယ့် အစားအစာတွေကို စားသုံးတတ်ကြပါတယ်။

💠 ဒါပေမဲ့ လူတွေရဲ့ စိတ်ပိုင်းဆိုင်ရာ နဲ့ လူမှု‌ရေးပိုင်းဆိုင်ရာမှာ အဆင်မပြေတာတွေ၊ အခက်အခဲတွေ၊ နာမကျန်းမှုတွေ၊ အကူအညီ‌တွေ လိုအပ်လာပြီဆိုရင်ရော ကျွန်တော်တို့တတွေ ဘယ်သူတွေဆီကို သွားတတ်ပြီး ဘာတွေကိုရော လုပ်တတ်ပါသလဲ?

💠 ကျွန်တော်တို့ အများစုက စိတ်ပိုင်းဆိုင်ရာနဲ့ လူမှုရေးပိုင်းဆိုင်ရာအရ အသေးအဖွဲ ပြဿနာလေးတွေကစပြီး ဆိုးရွားတဲ့ဝေဒနာတွေအထိ ကြုံလာခဲ့ရင်တောင် ဒါတွေဟာ သူ့အလိုလို အဆင်ပြေသွားမှာပါ၊ တခြားလူတွေကို ပြောပြပြီး အကူအညီတောင်းခံရမှာ ရှက်ကြောက်စရာကြီးဆိုပြီး များသောအားဖြင့် တွေးတတ်ကြပါတယ်။ 

💠 ဒါပေမဲ့ ကျွန်တော်တို့ လူတစ်ဦးတစ်ယောက်ချင်းစီရဲ့ စိတ်ကျန်းမာခြင်း၊ စိတ်ပိုင်းဆိုင်ရာနဲ့ လူမှုရေးပိုင်းဆိုင်ရာ အခက်အခဲ ပြဿနာတွေ၊ ဖိစီးမှု ဝေဒနာတွေအတွက်  အားပေးကူညီခြင်းတွေ၊ ဆောင်ရွက်ဖြေရှင်းပေးနေမှုတွေ၊ ကုသပေးခြင်းတွေကို အသိပညာ နှင့် အတတ်ပညာတွေ အပေါ် အခြေခံပြီး အဓိက လုပ်ဆောင်ပေးနေတဲ့ သူတွေ ရှိတယ်ဆိုတာကိုရော ကျွန်တော်တို့ သတိပြုမိကြပါရဲ့လား?

💠 Psychiatrist ဆိုတဲ့ စိတ်ကျန်းမာရေး အထူးကုဆရာ၀န်၊ Psychologist ဆိုတဲ့ စိတ်ပညာရှင်နဲ့ Social Worker ဆိုတဲ့ လူမှု၀န်ထမ်း တွေက သင့်ရဲ့ စိတ်ပိုင်းဆိုင်ရာ နဲ့ လူမှုရေးဆိုင်ရာ အခက်အခဲ ပြဿနာတွေကို သူတို့ရဲ့ အသိပညာရပ်တွေအပေါ် အခြေခံပြီး အတတ်ပညာတွေနဲ့ ပေါင်းစပ်ကာ မတူညီတဲ့ ချဥ်းကပ်နည်းတွေနဲ့အတူ ကူညီ ဖြေရှင်း ဆောင်ရွက်ပေးနိုင်တယ်ဆိုတာကိုရော သင်သိထားမိပါသလား?

💠 သူတို့နဲ့ ပတ်သက်ပြီး သင် အရင်က သိရှိထားတာတွေရှိရင်လည်း ဒီ Post လေးနဲ့အတူ ဆွေးနွေး ဝေငှပေးသွားဖို့အတွက်လည်း ဖိတ်ခေါ်လိုက်ရပါတယ်။ 

💠 ကျွန်တော်တို့ရဲ့ နောက်ပိုင်း Post တစ်ခုမှာ သူတို့ သုံးဦးအကြောင်းကိုလည်း အကျယ်တ၀င့် ဖော်ပြပေးသွားမှာဖြစ်လို့ ဆက်လက် စောင့်မျှော် အားပေးကြဖို့ တိုက်တွန်း၊ ဖိတ်ခေါ်လိုက်ရပါတယ် ခင်ဗျာ။