💡 Social Work ဆိုတာ ဘာလဲ?
“Social Work ဆိုတာ ဒုက္ခရောက်နေတဲ့သူတွေကို ကူညီပေးတာပဲ မဟုတ်လား။”
ဟုတ်ပါတယ်။ ကူညီပေးခြင်းဟာ Social Work ရဲ့ အစိတ်အပိုင်းတစ်ခုပါ။
ဒါပေမဲ့ Social Work ကို “ဒုက္ခရောက်သူတွေကို ကူညီပေးတဲ့အလုပ်” လို့ပဲ သတ်မှတ်လိုက်ရင် Social Work ရဲ့ အဓိပ္ပာယ်ကို အများကြီး ကျဉ်းမြောင်းသွားစေပါတယ်။
Social Work ရဲ့ အရေးကြီးတဲ့ မေးခွန်းတစ်ခုက—
“လူတစ်ယောက်မှာ ဘာပြဿနာရှိသလဲ။” ဆိုတာနဲ့အတူ
“ဒီပြဿနာ ဘာကြောင့် ဖြစ်လာတာလဲ၊ သူ့ပတ်ဝန်းကျင်နဲ့ လူမှုစနစ်တွေက ဘယ်လို သက်ရောက်နေလဲ။” ဆိုတာကိုပါ မေးခြင်း ဖြစ်ပါတယ်။
🌊 ဥပမာတစ်ခု စဉ်းစားကြည့်ရအောင်
ရွာတစ်ရွာမှာ နှစ်စဉ် ရေကြီးတယ်ဆိုပါစို့။
ရေကြီးတဲ့အချိန်မှာ စားနပ်ရိက္ခာ၊ သောက်ရေ၊ အဝတ်အထည်နဲ့ ဆေးဝါးတွေ ပေးတာဟာ အရေးကြီးပါတယ်။ လူတွေ အသက်ရှင်ရပ်တည်နိုင်ဖို့ အရေးပေါ်အကူအညီ လိုအပ်ပါတယ်။
ဒါပေမဲ့ Social Worker တစ်ယောက်က ဒီမှာတင် မရပ်ပါဘူး။
သူက မေးပါလိမ့်မယ်—
“ဒီလူတွေ ဘာတွေ လိုအပ်နေကြသလဲ။”
တစ်ချိန်တည်းမှာ—
“ဘာကြောင့် ဒီလူတွေ ဒီအခြေအနေကို ထပ်ခါထပ်ခါ ရင်ဆိုင်နေရတာလဲ။”
လည်း မေးပါလိမ့်မယ်။
ရေကြီးမှုကြောင့်—
ကလေးတွေ ကျောင်းမတက်နိုင်တော့ဘူးလား။
မိသားစုတွေရဲ့ ဝင်ငွေ ဘယ်လိုထိခိုက်သွားလဲ။
လူတွေရဲ့ စိတ်ပိုင်းဆိုင်ရာနဲ့ မိသားစုဆက်ဆံရေးမှာ ဘာတွေ ဖြစ်လာလဲ။
သက်ကြီးရွယ်အို၊ မသန်စွမ်းသူ၊ ကလေးတွေနဲ့ အခြားထိခိုက်လွယ်သူတွေက ပိုပြီး အခက်အခဲတွေ့နေလား။
ရေဘေးကာကွယ်ရေးနဲ့ ကြိုတင်ပြင်ဆင်ရေးမှာ ရွာသားတွေရဲ့ အသံကို ဘယ်လောက်အထိ ထည့်သွင်းထားလဲ။
နောက်နှစ် ရေကြီးလာရင် ရွာသားတွေကိုယ်တိုင် ပိုမိုပြင်ဆင်နိုင်ဖို့ ဘာတွေ လုပ်နိုင်မလဲ။
ဒီပြဿနာကို ဖြစ်စေတဲ့ ပိုကြီးတဲ့ လူမှု၊ စီးပွားရေး၊ ပတ်ဝန်းကျင်နဲ့ မူဝါဒဆိုင်ရာ အကြောင်းအရင်းတွေက ဘာတွေလဲ။
ဒီလို လူတစ်ယောက်ရဲ့ အခက်အခဲကို သူ့ဘဝ၊ မိသားစု၊ အသိုင်းအဝိုင်းနဲ့ သူနေထိုင်တဲ့ လူမှုစနစ်တွေနဲ့ ဆက်စပ်ပြီး နားလည်ခြင်း က Social Work ရဲ့ အရေးကြီးတဲ့ အခြေခံတစ်ခု ဖြစ်ပါတယ်။
🤝 ဒါကြောင့် Social Worker ဆိုတာ “ကူညီပေးသူ” တစ်ယောက်တည်း မဟုတ်ပါဘူး။
Social Worker ဟာ လူတွေရဲ့ ဘဝထဲက အခက်အခဲတွေကို နားထောင်ပြီး နားလည်ဖို့၊ လိုအပ်တဲ့ ဝန်ဆောင်မှုနဲ့ အရင်းအမြစ်တွေဆီ ရောက်ရှိနိုင်ဖို့ ကူညီပေးနိုင်ပါတယ်။
Counselling လုပ်နိုင်ပါတယ်။
ကလေးနဲ့ မိသားစုတွေနဲ့ အလုပ်လုပ်နိုင်ပါတယ်။
Community development လုပ်နိုင်ပါတယ်။
လူမှုကာကွယ်စောင့်ရှောက်ရေးစနစ်တွေ ဖန်တီးနိုင်ပါတယ်။
လူ့အခွင့်အရေးအတွက် Advocacy လုပ်နိုင်ပါတယ်။
Research လုပ်နိုင်ပါတယ်။
Policy တွေ ရေးဆွဲရာမှာ ပါဝင်နိုင်ပါတယ်။
တစ်နည်းအားဖြင့်—
Social Work ဟာ လူတွေရဲ့ ပြဿနာကို ဖြေရှင်းပေးရုံမဟုတ်ဘဲ၊ လူတွေကို သူတို့ရဲ့ဘဝနဲ့ ပတ်ဝန်းကျင်ကို ပြန်လည်ပြောင်းလဲနိုင်တဲ့ စွမ်းအားရှိလာအောင် အတူတကွ လုပ်ဆောင်ခြင်း ဖြစ်ပါတယ်။
🌏 Social Work ကို ကမ္ဘာက ဘယ်လို သတ်မှတ်ထားသလဲ။
International Federation of Social Workers (IFSW) နဲ့ International Association of Schools of Social Work (IASSW) တို့ရဲ့ Global Definition အရ—
Social Work ဟာ practice-based profession တစ်ခုဖြစ်သလို academic discipline တစ်ခုလည်း ဖြစ်ပါတယ်။
လူမှုရေးပြောင်းလဲမှုနဲ့ ဖွံ့ဖြိုးတိုးတက်မှု၊ လူမှုအသိုင်းအဝိုင်းအတွင်း ပေါင်းစည်းညီညွတ်မှု၊ လူတွေရဲ့ စွမ်းဆောင်ရည်မြှင့်တင်မှုနဲ့ လွတ်မြောက်မှုတို့ကို မြှင့်တင်ပေးပြီး၊ Social Justice, Human Rights, Collective Responsibility နဲ့ Respect for Diversity တို့ကို အခြေခံထားပါတယ်။ Social Work ဟာ လူတွေနဲ့ လူမှုဖွဲ့စည်းပုံတွေကို အတူတကွ ချိတ်ဆက်ပြီး ဘဝအခက်အခဲတွေကို ဖြေရှင်းကာ wellbeing ကို မြှင့်တင်ပေးတဲ့ ပညာရပ်နဲ့ အသက်မွေးဝမ်းကျောင်း ဖြစ်ပါတယ်။
🎓 ဒါကြောင့် Social Work ကို ဘာကြောင့် ပညာသင်ဖို့လိုတာလဲ?
လူတစ်ယောက်ကို ကူညီချင်တဲ့ စေတနာ က အရေးကြီးပါတယ်။
ဒါပေမဲ့ စေတနာတစ်ခုတည်းနဲ့ လူတစ်ယောက်ရဲ့ ဘဝအခက်အခဲတွေကို ကိုင်တွယ်ဖို့ မလုံလောက်ပါဘူး။
Social Worker တစ်ယောက်ဟာ—
နားထောင်တတ်ဖို့၊
အကဲဖြတ်တတ်ဖို့၊
ဆက်ဆံရေးတည်ဆောက်တတ်ဖို့၊
လူတွေရဲ့ အားသာချက်တွေကို ရှာဖွေတတ်ဖို့၊
သက်ဆိုင်ရာ ဝန်ဆောင်မှုတွေနဲ့ ချိတ်ဆက်ပေးတတ်ဖို့၊
အဖွဲ့နဲ့ Community ကို စုစည်းတတ်ဖို့၊
Research နဲ့ Evidence ကို အသုံးချတတ်ဖို့၊
Ethical decision တွေ ချမှတ်တတ်ဖို့၊
နဲ့ မညီမျှမှုတွေကို စိန်ခေါ်ပြီး လူမှုရေးပြောင်းလဲမှုကို ဖန်တီးတတ်ဖို့
ပညာ၊ ကျွမ်းကျင်မှု၊ သီအိုရီနဲ့ ကျင့်ဝတ်တွေကို စနစ်တကျ လေ့လာဖို့ လိုအပ်ပါတယ်။
ဒါကြောင့်—
Social Work ဆိုတာ သနားလို့ ကူညီပေးတဲ့အလုပ် မဟုတ်ပါဘူး။
လူတွေကို လူသားတစ်ဦးအဖြစ် တန်ဖိုးထားပြီး၊ သူတို့နဲ့အတူ အခက်အခဲတွေကို နားလည်၊ အခွင့်အရေးတွေကို ကာကွယ်၊ စွမ်းအားတွေကို မြှင့်တင်ပြီး ပိုကောင်းတဲ့ ဘဝနဲ့ လူမှုအသိုင်းအဝိုင်းကို အတူတကွ ဖန်တီးတဲ့ Profession တစ်ခု ဖြစ်ပါတယ်။
လူကို ကူညီခြင်းက Social Work ရဲ့ အစိတ်အပိုင်းပါ။
လူတွေကို သူတို့ဘဝကို ကိုယ်တိုင် ပိုမိုပိုင်ဆိုင်နိုင်အောင် လုပ်ပေးခြင်းက Social Work ရဲ့ နှလုံးသားပါ။
လူတွေကို အခက်အခဲဖြစ်စေတဲ့ မညီမျှတဲ့ စနစ်တွေကို ပြောင်းလဲခြင်းကလည်း Social Work ရဲ့ တာဝန်တစ်ခုပါ။
🌱 လူတစ်ဦးရဲ့ ဘဝကနေ စပြီး လူမှုအသိုင်းအဝိုင်းအထိ Social Work ဟာ လူနဲ့ လူ့ပတ်ဝန်းကျင်ကြားက ဆက်နွယ်မှုကို အာရုံစိုက်တဲ့ Profession ဖြစ်ပါတယ်။
#YSSW #YangonSchoolOfSocialWork #WhatIsSocialWork #SocialWorkIsAProfession #SocialWorkEducation #SocialJustice #HumanRights #SocialChange
